Իրանը թող չմոռանա, թե ինչպես մենք վերջ տվեցինք հայկական «օկուպացիային»: Այս մասին այսօր Անվտանգության խորհրդի նիստում հայտարարել է Ադրբեջանի նախագահ Իլհամ Ալիևը՝ մեկնաբանելով Նախիջևանի օդանավակայանին հասցված հարվածը:
Նա, մասնավորապես, նշել է. «Մենք պաշտպանում ենք մեր տարածքային ամբողջականությունը և պատրաստ ենք մեր հզորությունը ցուցադրել ցանկացած չարագործ ուժի այնպես, ինչպես վերջ տվեցինք հայկական «օկուպացիային»: Այն պատվազուրկ մարդիկ, որոնք իրականացրել են այս ահաբեկչական գործողությունը, զղջալու են։ Նրանք չպետք է խաղան մեր համբերության հետ։ Ով ուզում է անել դա, կկործանվի «երկաթե բռունցքի» կողմից»:
