Այս նախագիծը ենթակառուցվածքային է, ինչպես նաև բիզնես նախագիծ է, լրագրողների հետ զրույցում, անդրադառնալով «TRIPP»-ին՝ ասաց ՔՊ-ական պատգամավոր Սարգիս Խանդանյանը։
Խոսելով տոկոսային թվերից՝ նա նշեց, որ բանակցությունների արդյունքում են դրանք որոշվել․ 74 տոկոսը՝ ԱՄՆ-ին, 26 տկոսը՝ ՀՀ-ին. «Բաժնետոմսերի քանակը մեծապես կախված է ներդրումներից։ Սակայն, բոլոր զգայուն, Հայաստանի համար կարևորություն ներկայացնող հարցերում ՀՀ-ն ունի որոշիչ ձայն։ Այսինքն՝ երբ «TRIPP» ընկերությունը ձևավորվի, կանոնադրությունը սահմանվի, այնտեղ հստակ ամրագրվելու է, որ մի շարք հարցերում ՀՀ-ն ունենալու է որոշիչ ձայնի իրավունք»։
Խանդանյանը նույնպես հերքում է այն լուրերը, որ այդ ճանապարհը վարձակալությամբ է տրվելու. «Խոսքը վարձակալության մասին չէ, խոսքը կառուցապատման իրավունքի մասին է։ ՀՀ տարածքում «TRIPP» ընկերությունն իրականացնելու է կառուցապատում և իրականացնելու է բիզնես նախագիծ»։
Նա նշեց՝ տեքստում հստակ գրված է, որ ՀՀ սահմանապահները և մաքսային աշխատակիցները իրենց լիազորություններից բխող գործունեությունն են իրականացնելու և ներկա են լինելու ամբողջ ենթակառուցվածքի վրա ու համապատասխան վայրերում։
