Մայրաքաղաքի Ագաթանգեղոսի փողոցում կայանված ավտոմեքենայից գողությունը կատարվել էր անցած տարվա դեկտեմբերի 22-ի վաղ առավոտյան։ Հանել-տարել էին «Շևրոլեի» թափարգելի նիկելապատ դետալը, սակայն այս մասին մեքենայատերը չէր հայտնել իրավապահներին։ Գողության վերաբերյալ տեղեկությունը Համայնքային ոստիկանության Կենտրոնական բաժնի ծառայողները ստացան օպերատիվ միջոցներով, և Համայնային ոստիկանության գլխավոր վարչության գործընկերների հետ անցան գործի։

Հանցագործության բացահայտմանը նպաստեց նաև համացանցում տարածված տեսանյութը, որի ուսումնասիրությամբ էլ ոստիկանները պարզեցին, որ հիշյալ գողությունը կատարել է մայրաքաղաքի Թումանյան փողոցի բնակիչ 55-ամյա տղամարդը։

Հունվարի 12-ին նա հայտնաբերվեց իր բնակության վայրում, ձերբակալվեց ու տեղափոխվեց բաժին։

Նախաձեռնվել է քրեական վարույթ։ Հանգամանքները պարզվում են։