ՀՀԿ Երիտասարդական կազմակերպության նախագահ Հենրիխ Դանիելյանն իր զորակցությունն է հայտնել քաղբանտարկյալ, արդեն 4 օր հացադուլի մեջ գտնվող Նարեկ Սամսոնյանին՝ ընդգծելով՝ նա պայքարի ծայրահեղ, բայց գիտակցված միջոց է ընտրել։
«Հացադուլը կամքի, սկզբունքայնության և արժանապատվության դրսևորում է այն պահին, երբ մարդուն զրկում են ազատ խոսքի և արդար պայքարի բոլոր մյուս միջոցներից։
Նարեկի այս քայլը ուղերձ է հասարակությանը, որ անարդարության հետ հաշտվելը տարբերակ չէ, իսկ լռությունը մեղսակցություն է»,- ընդգծել է Հենրիխ Դանիելյանը։
Դանիելյանը նշել է՝ Սամսոնյանի քայլը պարտավորեցնում է մեզ՝ չմնալ անտարբեր։
«Նարեկ Սամսոնյանին աջակցությունը պետք է, որովհետև այսօր նա կանգնած է ոչ միայն իր իրավունքների, այլև մեր բոլորի արժանապատվության պաշտպանության առաջին գծում։
Ազատությո՛ւն քաղաքական բանտարկյալներին։
Աջակցություն Նարեկ Սամսոնյանին։
Արժանապատիվ պայքարը չի կարող պարտվել»,- շեշտել է Դանիելյանը։
