Էստոնիան, Ֆինլանդիան, Իռլանդիան, Լիտվան, Լատվիան, Լեհաստանը և Շվեդիան նամակ են հղել Եվրահանձնաժողովի նախագահ Ուրսուլա ֆոն դեր Լեյենին և Եվրոպական խորհրդի նախագահ Անտոնիու Կոշտային, որում իրենց աջակցությունն են հայտնել Կիևին ռեպարացիոն վարկ տրամադրելու վերաբերյալ ԵՀ-ի առաջարկին։ Վարկը պետք է ֆինանսավորվի ԵՄ-ում գտնվող ռուսական սառեցված ակտիվների հաշվին։ Այս մասին հայտնել է DW-ն։
«Բացի այն փաստից, որ այս լուծումը ֆինանսապես առավել նպատակահարմար և քաղաքականապես իրատեսական է թվում՝ այն նախատեսում է Ուկրաինայի ագրեսիայի պատճառած վնասի համար փոխհատուցում ստանալու հիմնարար սկզբունքը», - նշվում է նամակում։
Կոչի հեղինակները ընդգծում են, որ եթե դեկտեմբերին կայանալիք ԵՄ գագաթնաժողովի ժամանակ փոխհատուցման վարկի վերաբերյալ որոշում կայացվի, ապա Ուկրաինան ավելի ուժեղ դիրքում կհայտնի իրեն պաշտպանելու և «արդար և երկարատև խաղաղության» շուրջ բանակցելու համար։
Politico պարբերականը հաղորդում է, որ Գերմանիան կլինի Կիևին հնարավոր փոխհատուցման վարկի ամենամեծ երաշխավորը: Պարբերականի համաձայն՝ Եվրահանձնաժողովը հույս ունի, որ Բեռլինը կհամաձայնի երաշխավորել ավելի քան 50 միլիարդ եվրոյի վարկը, որպեսզի համոզի Բելգիային Ուկրաինային փոխանցել Euroclear-ում սառեցված ռուսական 185 միլիարդ եվրոյի ակտիվները: Ֆրանսիան և Իտալիան նույնպես, հավանաբար, երաշխավորելու են համապատասխանաբար 34 միլիարդ և 25 միլիարդ եվրո:
