Մոսկվան բացասաբար կարձագանքի, եթե Վաշինգտոնն ընդունի Ռուսաստանի գործընկերների նկատմամբ պատժամիջոցների մասին օրինագիծը։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը՝ մեկնաբանելով ամերիկացի օրենսդիրների նախաձեռնությունները։
Նա, մասնավորապես, նշել է. «Մենք կհետևենք այդ օրինագծի ընթացքին և կտեսնենք, թե ինչ մանրամասների մասին է խոսքը։ Մենք, իհարկե, չափազանց բացասաբար կարձագանքենք դրան»:
Նշենք, որ նախօրեին ԱՄՆ նախագահ Դոնալդ Թրամփն աջակցել է Ռուսաստանի հետ համագործակցող բոլոր երկրների նկատմամբ պատժամիջոցներ սահմանող օրինագծին։ Նա պարզաբանել է, որ փաստաթուղթն այժմ քննարկվում է Կոնգրեսում։ ԱՄՆ առաջնորդը նաև հիշեցրել է, որ նմանատիպ պատժամիջոցների տակ կարող են հայտնվել նաև Իրանի տնտեսական գործընկերները:
