ԱՄՆ-ն Հյուսիսային Կորեայի հետ կապված նոր պատժամիջոցներ է սահմանել, որոնք ուղղված են չինացի և հյուսիսկորեացի անհատների ու հաստատությունների դեմ, տեղեկացնում է Reuters-ը՝ հղում անելով ԱՄՆ ֆինանսների նախարարության տվյալներին:
Նշվում է, որ երկրորդային պատժամիջոցների մեջ մտնում են Հյուսիսային Կորեայից, Չինաստանից և Ռուսաստանից 8 անձինք։
Բացի այդ՝ հաղորդվում է նաև, որ Korea Mangyongdae Computer Technology Corp. տեխնոլոգիական ընկերությունը և Հյուսիսային Կորեայի Ryujong Credit Bank-ը նույնպես ներառվել են այդ ցանկում:
Երկրորդային պատժամիջոցներով ԱՄՆ-ն պատժում է երրորդ կողմերին՝ արդեն իսկ պատժամիջոցների տակ գտնվող երկրների կամ կազմակերպությունների հետ արգելված գործարքներ կատարելու համար։
