ԱՄՆ նախագահ Դոնալդ Թրամփը դարձյալ անդրադարձել է Հայաստանին ու Ադրբեջանին՝ ևս մեկ անգամ շեշտելով, որ ինքը դադարեցրել է պատերազմը:
CBS News-ին տված հարցազրույցում նա, մասնավորապես, ասել է. ՛՛Այս պատերազմը (Ռուսաստանի և Ուկրաինայի միջև – խմբ.) Ջո Բայդենի պատերազմն է, ոչ թե իմը։ Ես ժառանգել եմ այս հիմար պատերազմը։ Այս պատերազմը երբեք չպետք է տեղի ունենար։ Այն երբեք տեղի չէր ունենա, եթե ես նախագահ լինեի: Այնուհետև ընտրությունները կեղծվեցին, և ձայները գողացան։ Եվ հիմա ես վերադարձել եմ և պատրաստվում եմ շտկել այդ խնդիրը։
Ես բերել եմ պատերազմների կարճ ցանկ, որոնք ես կանգնեցրել եմ. Կամբոջա և Թաիլանդ, Կոսովո և Սերբիա, Կոնգո և Ռուանդա, Պակիստան և Հնդկաստան, Իսրայել և Իրան, Եգիպտոս և Եթովպիա, Հայաստան և Ադրբեջան։ Եվ եթե մտածենք՝ նաև Իսրայելն ու ՀԱՄԱՍ-ը.դա դժվար իրավիճակ է, բայց կլուծվի։
Ես կանգնեցրի ինը պատերազմից ութը՛՛:
