Իսրայելի վարչապետ Բենիամին Նեթանյահուն կիրակի օրը հայտարարել է, որ երկիրը չի պատրաստվում թույլտվություն խնդրել՝ Գազայում կամ Լիբանանում թիրախների վրա հարվածներ հասցնելու համար՝ չնայած հրադադարի ռեժիմին, հաղորդում է AFP-ն։
«Իսրայելը անկախ պետություն է։ Մենք ինքներս ենք պաշտպանելու մեզ և շարունակելու ենք ինքնուրույն որոշել մեր ճակատագիրը։ Մենք ոչ մեկի հավանությունը չենք փնտրում դրա համար։
Մենք ենք վերահսկում մեր անվտանգությունը», – հայտարարել է նա Գազայում հրադադարի ռեժիմը ամրապնդելու նպատակով ամերիկյան բարձրաստիճան պաշտոնյաների մեկշաբաթյա այցից հետո։
