Ֆրանսիայի զինված ուժերի գլխավոր շտաբի պետ, գեներալ Ֆաբիեն Մանդոնը չորեքշաբթի հայտարարել է, որ Ռուսաստանը «կարող է հակված լինել շարունակելու պատերազմը մեր մայրցամաքում», գրում է Le Figaro-ն։
Սեպտեմբերի 1-ին Ֆրանսիայի զինված ուժերի ղեկավարությունը ստանձնած Մանդոնը նշել է, որ նա բանակին հանձնարարել է «պատրաստ լինել հակամարտության երեք-չորս տարի անց»։
Ըստ գեներալ Մանդոնի՝ Մոսկվան պատկերացում ունի Եվրոպայի կոլեկտիվ թուլության մասին, իսկ ինքն ընկալում է «ուժի կիրառման Ռուսաստանի անկաշկանդությունը»։
Նա հավելել է նաև, որ եվրոպացիները գերազանցում են Ռուսաստանին տնտեսապես, ժողովրդագրական և արդյունաբերական առումով։ «Ռուսաստանը չի կարող մեզ վախեցնել, եթե մենք ուզում ենք պաշտպանվել»,- կարծում է գեներալը։
Հիշեցնենք, որ Գերմանիայի Դաշնային հետախուզական ծառայության ղեկավար Մարտին Յեգերը անցյալ շաբաթ զգուշացրել էր Ռուսաստանի հետ ռազմական հակամարտության իրական վտանգի մասին։
