Ինչպես և սպասվում էր, երկուշաբթին սկսվեց հորդառատ անձրևով և Մոսկվայի մարզում առաջին ձյունով: Եղանակի մասին սոցիալական ցանցերում գրել է Ռուսաստանի «Ֆոբոս» օդերևութաբանական կենտրոնի առաջատար մասնագետ Միխայիլ Լեուսը:
«Նախօրեին երեկոյան Եվրոպական Ռուսաստանի կենտրոնական շրջանները հայտնվեցին եվրոպացի օդերևութաբանների բնորոշած «Գերհարդ» ցիկլոնի ազդեցության գոտում: Ժամը 6:00-ի դրությամբ ցիկլոնի կենտրոնը տեղափոխվել էր Մոսկվայի մարզի հարավային շրջաններ՝ տարածաշրջան բերելով հորդառատ անձրևներ, որոնք որոշ տեղերում վերածվել էին ձնախառն անձրևի»,- գրել է նա:
