Այնքան ամոթ է, այնքան խայտառակություն է, որ վարչապետը չի շնորհավորել գյումրեցիների տոնը։ Այս մասին այսօր լրագրողների հետ զրույցում ասաց Գյումրիի քաղաքապետ Վարդան Ղուկասյանը։
Նա, մասնավորապես, նշեց. «Ես ի՞նչ ասեմ էդ մարդուն։ Այսինքն՝ ի՞նչ է նշանակում, որ ասենք՝ Վարդան Ղուկասյանը դառել է քաղաքապետ, դուք պիտի գյումրեցիներին չշնորհավորե՞ք։ Ասում ես՝ 15000 ձայն էլ ՔՊ-ն է հավաքել, դրանց գոնե շնորհավորեիր։
Այսինքն՝ դու գիտես, որ այստեղ ՔՊ-ական չկա՞։ Այսինքն՝ ժողովուրդը քո հետևից չի եկել, դրա համար չես շնորհավորում ժողովրդին։ Ժամ-ժամ տեսնում ենք, հասկանում ենք, թե դու ո՛վ ես, ճիշտն ասած՝ չգիտեինք, որ դու այդպիսին ես։ Ամո՛թ ձեզ, այդքան բան»:
