«Քաղաքացիական պայմանագիր» խմբակցությունը բոյկոտել է Փարաքարի ավագանու արտահերթ նիստը, որի ժամանակ նախատեսված է նոր համայնքապետ ընտրել։ Ավագանու արտահերթ նիստը մեկնարկեց մեկ րոպե լռությամբ։

Հիշեցնենք՝ Արմավիրի մարզի Մերձավան բնակավայրում սեպտեմբերի 23-ին կրակոցներ էին հնչել, կա 2 զոհ, 1 վիրավոր: Դիմակավորված մարդասպանը կրակահերթեր արձակելով, վազելով մոտեցել է տնից նոր դուրս եկած զրուցող երեք տղամարդկանց՝ Փարաքարի համայնքապետ Վալոդյա Գրիգորյանին ու նրա ընկերներին։ Կրակոցներից երեքն էլ տապալվել են գետնին, սակայն դիմակավորը նաև ստուգողական կրակոցներ է արձակել։ Երկու անձ կալանավորված է։