Մայիսի 30-ին ոստիկանության պետ Վալերի Օսիպյանն ու ոստիկանության պետի տեղակալ Աղասի Կիրակոսյանը խորհրդակցություն են անցկացրել ճանապարհային ոստիկանության անձնակազմի հետ, տեղեկացնում է ՀՀ ոստիկանության մամուլի ծառայությունը:
Ոստիկանության պետը խոսել է օրեր առաջ ճանապարհային ոստիկանության ծառայողներին տրված ցուցումների ու հանձնարարականների, դրանց կատարման ընթացքի, թերությունների ու բացթողումների մասին:
Վալերի Օսիպյանը նշել է, որ պետք է արվի ամեն ինչ ճանապարհային ոստիկանի հեղինակությունը բարձրացնելու ուղղությամբ:
Կրկին ընդգծվել է կոռուպցիոն որևէ դրսևորման բացառման և օրենքի առաջ բոլորի հավասարության անհրաժեշտությունը:
Ոստիկանության պետի տեղակալ Աղասի Կիրակոսյանը դիմելով ճանապարհային ոստիկաններին՝ նշել է ծառայության որակի բարձրացման ուղղությամբ ձեռնարկվող միջոցառումների կարևորությունը, ծառայողական պարապմունքների պատշաճ անցկացումը, առանձին ոլորտներում՝ ճանապարհային ոստիկանության հետաքննչական, հաշվառման-քննական և այլ ստորաբաժանումներում ծառայության բարելավման մասին:
Խորհրդակցության ընթացքում քննարկվել են ճանապարհային երթևեկության անվտանգությանը վերաբերող այլ հարցեր ևս
00:00:00
