2026 թվականի հունվարի 1-ից սկսած՝ օտարերկրացիների և քաղաքացիություն չունեցող անձանց համար ռուսաց լեզվի, Ռուսաստանի պատմության և Ռուսաստանի օրենսդրության հիմունքների քննությունը կանցկացվի միայն համակարգչային եղանակով: Ըստ РИА Новости-ի՝ որոշման հայտնել է Рособрнадзор-ը:
Գերատեսչությունում պարզաբանել են, որ այդ նպատակով ստեղծվել է «ЭкзаМ» ծրագրային փաթեթը, որն ավտոմատացնում է ընթացակարգի բոլոր փուլերը՝ գրանցումից և տեսանկարահանումից մինչև առաջադրանքների կատարում, արդյունքների հաշվարկ և վկայականների տրամադրում: Փաստաթուղթը կտրամադրվի քննության հանձնման օրը:
Ավելի վաղ հաղորդվել էր, որ Սանկտ Պետերբուրգում ռուսաց լեզվի քննությունը չհանձնած ներգաղթյալների երեխաները կկարողանան բողոքարկել դրա արդյունքները հատուկ բողոքարկման հանձնաժողովի միջոցով:
