Լիբիայում ՄԱԿ-ի առաքելության գլխամասային գրասենյակի մոտ, որը գտնվում է Ջանզուրի ափամերձ շրջանում՝ մայրաքաղաք Տրիպոլիի հարևանությամբ, հրթիռ է պայթել։ Այդ մասին տեղեկացնում է Euronews-ը։
ՄԱԿ-ի առաքելության տվյալներով՝ միջադեպի արդյունքում զոհեր չեն եղել, և շենքը չի վնասվել։
Միջադեպը համընկել է ՄԱԿ-ի հատուկ դեսպանորդ Հաննա Թեթեհի Անվտանգության խորհրդում ունեցած ելույթի հետ, որտեղ նա զեկույց էր ներկայացնում Լիբիայում տիրող իրավիճակի վերաբերյալ։