Ուկրաինայի անվտանգության ծառայությունը հետախուզում է հայտարարել Ռուսաստանի ժողովրդական արտիստ Նիկոլայ Բասկովի նկատմամբ, փոխանցում է «ՌԻԱ Նովոստի»-ն։
Հրապարակված տվյալների համաձայն՝ Բասկովը մեղադրվում է «Ուկրաինայի տարածքային ամբողջականությունն ու անձեռնմխելիությունը խաթարելու փորձի» մեջ։ Արտիստը հետախուզվում է 2022 թվականի մարտի 3-ից, և, ենթադրաբար, նրա նկատմամբ խափանման միջոց է ընտրվել կալանքը։
2022 թվականի մարտին Ուկրաինայի գլխավոր դատախազը հայտնել է, որ Բասկովը կասկածվում է «պատերազմի քարոզչության և արդարացման» մեջ, և դատարանը բավարարել է նրա կալանքի միջնորդությունը։
