Բաց տվյալների հիման վրա BBC-ն՝ «Медиазона» պարբերականի և կամավորների թիմի հետ համատեղ, պարզել է Ուկրաինայում պատերազմի ժամանակ զոհված 118 հազար 139 ռուս զինվորների անունները։ Զոհվածների թվում են ավելի քան 500 օտարերկրացիներ 28 երկրներից, ներառյալ՝ Միացյալ Նահանգներից և Շրի Լանկայից։

Նրանք միայն այն օտարերկրացիներն են, որոնք պայմանագիրը կնքելու պահին չունեին Ռուսաստանի քաղաքացիություն և որոնց մահը հաստատվել է բաց աղբյուրների՝ կառավարության հաղորդագրությունների, սոցիալական ցանցերում հարազատների հրապարակումների կամ գերեզմանների լուսանկարների հիման վրա։ Ուկրաինայում Ռուսաստանի կողմից կռված օտարերկրացիներ կորուստների իրական թվերը շատ ավելի մեծ են։