Ստամբուլում շտկել են գրաֆիտին՝ Թալեաթի անվան վրա գրելով Թեհլերյանի անունը։ Հայտնում է Ազգային ճակատը։
Գրաֆիտիին սկզբում գրված էր. «Մի Թալեաթ գնում է, հազար Թալեաթ գալիս է»։
Խոսքը Մեհմեդ Թալեաթ փաշայի՝ օսմանյան պետական գործչի և Հայոց ցեղասպանության կազմակերպիչներից մեկի մասին է, որը երիտթուրքական «եռյակի» մյուս անդամների հետ միասին ժամանակակից Թուրքիայում համարվում է ազգային հերոս և նահատակ։
Ուղղված տարբերակում գրված է. «Մի Թեհլերյան գնում է, հազար Թեհլերյան գալիս է»։
Նկատի է առնվում Սողոմոն Թեհլերյանը՝ ցեղասպանության ժամանակ իր ամբողջ ընտանիքը կորցրած և Թալեաթ փաշային գնդակահարած հայ վրիժառու։
