Իսրայելական լրատվամիջոցները հայտնում են 15 մարդու զոհվելու և մոտ 385 տուժածի մասին հունիսի լույս 15-ի գիշերը Իրանի բալիստիկ հրթիռների ու անօդաչու թռչող սարքերի հարվածների հետևանքով:
Ինչպես փոխանցում է Ynet պորտալը, չնայած Իսրայելի պաշտպանության բանակը որսացել է ավելի քան 100 հրթիռ և անօդաչու թռչող սարք, սակայն մի քանի հրթիռ, այնուամենայնիվ, հասել է թիրախին, ինչը շատ ծանր հետևանքներ է ունեցել: Ինչպես հայտնում է աղբյուրը, ճշտված տվյալներով ՝ գիշերվա ընթացքում հիվանդանոցներ են տեղափոխվել հարյուրավոր տուժածներ, հիմնականում ՝ Բաթ Յամից և Ռեհովոտայից:
Իրանական Tasnim լրատվական գործակալության տվյալներով էլ՝ հունիսի երեկոյան Թեհրանի բնակելի թաղամասերից մեկին Իսրայելի հարվածի հետևանքով մի քանի խաղաղ բնակիչ է զոհվել:Բացի այդ՝ իրանական լրատվամիջոցները հայտնում են բարձրաստիճան զինվորականների զոհվելու մասին:
