Իրանը միջուկային ծրագրի վերաբերյալ առաջարկներ կփոխանցի ԱՄՆ-ին՝ Օմանի միջոցով, ինչպես հայտնում է Mehr գործակալությունը,  հաղորդել է Իրանի ԱԳՆ պաշտոնական ներկայացուցիչ Էսմայիլ Բաղային։

Նրա  խոսքով՝ Թեհրանն առաջարկները կփոխանցի «մոտ ժամանակներս»։

Իրանի ԱԳՆ պաշտոնական ներկայացուցիչը նշել է նաև, որ «Վաշինգտոնը չպետք է բաց թողնի այս հնարավորությունը» և լուրջ վերաբերվի իրենց առաջարկին։

Ինչ վերաբերում է բանակցությունները շարունակելուն, ապա, ինչպես նշել է  Բաղային, նոր փուլի մեկնարկի վերաբերյալ որոշման դեպքում ամերիկյան կողմին այդ մասին տեղյակ կպահվի։

Նշենք, որ մայիսին էլ ԱՄՆ-ն էր Իրանին առաջարկներ փոխանցել՝ միջուկային խնդրի լուծման շուրջ։

Իրանի և ԱՄՆ-ի միջև միջնորդավորված բանակցությունները մեկնարկել են ապրիլի 12-ին, բանակցությունները փուլերով են ընթանում։ Իրանի դիրքորոշումն է՝ խաղաղ նպատակներով ուրանի հարստացման ծրագրի շարունակականություն։ Թեհրանը միջուկային ծրագրում որոշակի սահմանափակումների պատրաստ է գնալ, եթե  ամերիկյան կողմը ամբողջովին չեղարկի պատժամիջոցները։