Եվրամիությունը որոշել է ամբողջությամբ վերացնել Սիրիայի դեմ տնտեսական պատժամիջոցները։ Այս մասին իր թվիթերյան էջում հայտնել է Եվրամիության դիվանագիտության ղեկավար Կայա Կալասը:
Նա, մասնավորապես, նշել է. «Այսօր մենք որոշում ենք կայացրել վերացնել Սիրիայի դեմ տնտեսական պատժամիջոցները»
Հիշեցնենք, որ ավելի վաղ ԱՄՆ նախագահ Դոնալդ Թրամփը խոսել էր Սիրիայի դեմ պատժամիջոցները չեղարկելու մտադրության մասին:
Դրանից կարճ ժամանակ անց ԱՄՆ ֆինանսների նախարարությունը հայտարարեց, որ պատրաստվում է մեղմացնել պատժամիջոցները։
Հավելենք նաև, որ ԵՄ-ն Սիրիայի նկատմամբ առաջին անգամ պատժամիջոցներ սահմանեց 2011 թվականին՝ որպես պատասխան պաշտոնական Դամասկոսի կոշտ գործողություններին, որոնք կիրառվել էին երկրում հակակառավարական ելույթների մասնակիցների նկատմամբ: Հետագայում ԵՄ-ն բազմիցս խստացրեց գործող սահմանափակող միջոցները՝ ընդլայնելով դրանց շրջանակը և լրացնելով դրանք նոր սահմանափակումներով։
