Ֆինանսների նախարար Ատոմ Ջանջուղազյանն այսօր խորհրդարանում պետական բյուջեի կատարողականի քննարկմանը նշեց, որ զսպող հարկաբյուջետային քաղաքականության շնորհիվ պետական պարտքը կայունացնել է` կիրառվել է 2.2 տոկոս զսպող ցուցանիշ. «Մենք պարտք էինք վերցնում ոչ թե կապիտալ ներդրումների, այլ ընթացիկ ծախսերի համար։ Պետական պարտքը այս պահին կազմում է 6.8 մլրդ դոլար, որից 4 մլրդ-ից ավելին արտաքին պարտքն է։ Պետական պարտքը 58.8 տոկոս է. ՀՆԱ դինամիկայի մեջ այն որոշակի աճ ունի։ Մենք շարունակում ենք համարվել նվազ պարտքի բեռը ունեցող երկիր»: Դեֆիցիտը, ըստ նրա, նախատեսվածից բարձր է եղել` ՀՆԱ-ի նկատմամբ 4.8 տոկոս. «Ծախսերը ավելի շատ են եղել, ու կատարողականը մի փոքր ցածր է եղել»,-նկատեց նա: