Ռուսաստանի նախագահ Վլադիմիր Պուտինը և Իրանի նախագահ Մասուդ Փեզեշքիանը հեռախոսազրույցի ժամանակ քննարկել են Իրանի միջուկային ծրագրի շուրջ Իրան-ԱՄՆ միջնորդավորված բանակցությունների ընթացքը, հայտնում է Կրեմլի մամուլի ծառայությունը։
Նշվում է, որ ռուսական կողմը պատրաստակամություն է հայտնել աջակցել գործընթացին։
«Մտքերի փոխանակում է տեղի ունեցել միջազգային և տարածաշրջանային արդի խնդիրների, այդ թվում՝ Օմանի միջնորդությամբ Իրանի և ԱՄՆ-ի միջև բանակցությունների շուրջ։
Ռուսական կողմը վերահաստատել է իր պատրաստակամությունը՝ նպաստելու այս երկխոսության առաջխաղացմանը՝ միջազգային իրավունքի սկզբունքների վրա հիմնված արդար համաձայնության հասնելու նպատակով»,- Մոսկվայի դիրքորոշումն է փոխանցել Կրեմլի մամուլի ծառայությունը։
