Ուժի մեջ է մտել Թուրքիայի և Ադրբեջանի միջև կնքված բնական գազի համագործակցության համաձայնագիրը, որը ստորագրվել էր 2024-ի մայիսի 14-ին Ստամբուլում, գրում է ermenihaber.am-ը:
Համաձայնագիրը նպատակ ունի ընդլայնել կողմերի համագործակցությունը՝ կապված Ադրբեջանից և 3-րդ երկրներից սեփական տարածքով անցնող բնական գազի գնման, վաճառքի, մատակարարման և տարանցման հետ:
Նշվում է նաև, որ համաձայնագրի նպատակն է նպաստել թուրք-ադրբեջանական համագործակցության ամրապնդմանն էներգետիկ ոլորտում, ինչպես նաև Եվրոպայի էներգետիկ անվտանգության ապահովման գործում Ադրբեջանի ներդրմանը։
