Ադրբեջանի արտաքին գործերի նախարար Ջեյհուն Բայրամովը Բաքվում հանդիպել է Լիտվայի արտաքին գործերի փոխնախարար Յուլիուս Պրանևիչուսի հետ:
Ըստ ադրբեջանական ԶԼՄ-ների՝ կողմերը քննարկել են ադրբեջանալիտվական երկկողմ և բազմակողմ հարաբերությունները, տարածաշրջանային ու միջազգային իրավիճակը:
Նշվում է, որ Բայրամովն իր զրուցակցին մանրամասն տեղեկացրել է հետհակամարտական շրջանում տարածաշրջանում ստեղծված իրավիճակի և իրողությունների, «ականների սպառնալիքի դեմ պայքարի ջանքերի, ինչպես նաև Ադրբեջանի և Հայաստանի միջև հարաբերությունների կարգավորման գործընթացի առաջընթացի մասին» (չակերտները-խմբ.)։
Հաղորդվում է նաև, թե Բայրամովը լիտվացի գործընկերոջ ուշադրությունը հրավիրել է Ադրբեջանի նկատմամբ Հայաստանի իբրև թե «շարունակվող տարածքային պահանջներին», որոնք, ըստ նրա, պարունակվում են Հայաստանի Սահմանադրության և մի շարք օրենսդրական ակտերի մեջ:
Բայրամովը խոսել է նաև Հայաստանի «արագ ռազմականացումից», ինչպես նաև ԵԱՀԿ Մինսկի խմբի և համապատասխան կառույցների մասին, որոնք, նրա խոսքով, «անցյալում մնացած հակամարտության մնացորդներ են»:
