Տեսանելի ապագայում Ռուսաստանի և Ուկրաինայի միջև խաղաղության ոչ մի հեռանկար չեմ տեսնում։ Այս մասին հայտարարել է Ադրբեջանի նախագահ Իլհամ Ալիևը։
Նա, մասնավորապես, նշել է. «Ռուսաստանը բռնազավթած տարածքները հայտարարեց Ռուսաստանի մաս, ինչպե՞ս կարող է դրանից հրաժարվել։ Ուկրաինան, ինչպես մնացած աշխարհը, այս բռնազավթած հողերը համարում է Ուկրաինայի մաս:
Ադրբեջանը դրանք Ուկրաինայի մաս է համարում։ Ինչպե՞ս կարող են դա զոհաբերել և ասել՝ «ոչ, դա Ուկրաինայի մաս չէ»: Դե, եթե դա տեղի ունենա, կնշանակի, որ ես ինչ-որ բան չեմ հասկանում միջազգային քաղաքականությունից»,-հավելել է Ադրբեջանի նախագահը:
