ՌԴ նախագահ Վլադիմիր Պուտինը Կրեմլում հանդիպել է պաշտոնական այցով Մոսկվայում գտնվող Չինաստանի արտաքին գործերի նախարար Վան Յիի հետ, հայտնում է РИА Новости-ն։
Ռուսաստանի ղեկավարի հիմնական հայտարարությունները բանակցությունների մեկնարկից առաջ.
Ռուսաստանը և Չինաստանը միասին և հաջողությամբ աշխատում են բազմաթիվ միջազգային հարթակներում, ներառյալ ՄԱԿ-ը, ՇՀԿ-ն և ԲՐԻԿՍ-ը:
Ռուսական կողմը գոհ է, թե ինչպես են զարգանում հարաբերությունները Չինաստանի հետ։
Սի Ցզինպինը մայիսի 9-ին սպասվում է Ռուսաստանում՝ միասին տոնելու հաղթանակը ֆաշիստական Գերմանիայի և ռազմատենչ Ճապոնիայի դեմ։
Չինաստանի ղեկավարի ժամանման համար կպատրաստվի հարուստ ծրագիր:
Չինաստանի նախարարի հայտարարությունները.
Չինաստանի և Ռուսաստանի համագործակցությունն ուղղված չէ երրորդ երկրների դեմ:
Պեկինի և Մոսկվայի բարեկամությունը երկարաժամկետ է և ոչ պատեհապաշտական։
Սի Ցզինփինի՝ մայիսին Մոսկվա կատարելիք այցի նախապատրաստական աշխատանքները հաջող են ընթանում, ինչը նոր լիցք կհաղորդի երկկողմ հարաբերությունների զարգացմանը։
Պուտինի նախորդ հանդիպումը Վան Իի հետ տեղի է ունեցել անցյալ տարվա սեպտեմբերին Սանկտ Պետերբուրգում։ Այն ժամանակ քննարկվել են երկկողմ հարաբերությունների հեռանկարները, ինչպես նաև Կազանում ԲՐԻԿՍ-ի գագաթնաժողովի նախապատրաստական աշխատանքները։
