Տեղեկատվական անվտանգության մասնագետ Սամվել Մարտիրոսյանը ֆեյսբուքյան իր էջում գրառում է արել՝ հայտնելով, որ «Signal» հավելվածի վրա հարձակում է գնում։

«Թիրախներին նայելիս, կարելի է ենթադրել, որ պետական կառույց է գործում։ Ընդ որում, հստակ՝ չարակամ։ Այդպիսի շատ երկիր չկա, էնպես որ՝ մոտավորապես պատկերացնում եք։ Գալիս է հաղորդագրություն Սիգնալից, իբր իրենց սպասարկումից։ Վախեցնում են, որ չարագործների փորձում են կոտրել հաշիվը։ Ընդ որում, մի մասի մոտ նշվում է, որ Բաքվից է մուտքը, որպեսզի մարդը կտրուկ անհանգստանա ու հետ կապվի։

Հետո կփորձեն հաշիվը մարդու վրայից տանել։

Ի՞նչ անել․

Խուճապի չտրվել

Չպատասխանել

Ակտիվացնել երկփուլայինը։ Settings>>Account>>Registration Lock.

Մուտքագրեք թվային պին կոդ, դա երբեք ոչ մեկի չտաք, նույնիսկ զոքանչին։ Ու չմոռանաք հանկարծ»,- նշված է գրառման մեջ։