ՀՀ ԱԺ նախագահ Ալեն Սիմոնյանը ելույթ է ունեցել Խորհրդարանների նախագահների «Ժողովրդավարության պաշտպանություն» թեմայով եվրոպական համաժողովում, որտեղ անդրադարձել է Բաքվում ապօրինի պահվող գերիների անհապաղ ազատ արձակման հարցին:
«Պետք է նշեմ, որ շարունակում են չլուծված մնալ հումանիտար խնդիրները: Ադրբեջանում հայ ռազմագերիները եւ քաղաքացիական անձինք ենթարկված են երկարատեւ կալանքի, անմարդկային վերաբերմունքի եւ շինծու դատավարությունների: Գերիների անհապաղ ազատ արձակումն առաջնահերթ խնդիր է», - ընդգծել է Սիմոնյանը։
