Մարտի 29-ին՝ ժամը 15:00-ին, Երևանի Ազատության հրապարակում տեղի կունենա հանրահավաք՝ ի պաշտպանություն բռնի տեղահանված արցախցիների իրավունքների:
Կազմակերպիչ՝ արցախցիների իրավունքների պաշտպանության խորհուրդ:
«Սիրելի արցախահայե’ր և Արցախի ցավը իրենը համարող աշխարհսփյուռ հայե’ր։
«Հանուն Արցախի» Միավորման նախաձեռնությամբ ստեղծված և Արցախի հասարակական գրեթե բոլոր շրջանակները ներառող «Արցախցիների իրավունքների պաշտպանության խորհուրդը» հայտարարում է Երևանի Ազատության հրապարակում մեծ հանրահավաքի մասին։
Մարտի 29-ին, ժամը 15։00-ին մենք խոսելու ենք հետևյալ հարցերի շուրջ.
1. Արցախ հավաքական վերադարձի իրավունքի ապահովում
2. Տեղահանված Արցախցիների սոցիալական խնդիրների լուծման, ֆինանսական և բնակարանային ապահովման ծրագրերի արժանապատիվ իրականացման պահանջ
3. Բաքվի բանտերից հայ գերիների վերադարձի պահանջ
4. Արցախի հայկական մշակութային ժառանգության պահպանության պահանջ»,- նշվում է հաղորդագրության մեջ:
Մանրամասները՝ տեսանյութում։
