Ռուսաստանի զինված ուժերը Կուրսկի շրջանի սահմանամերձ շրջաններում ավարտում են Ուկրաինայի զինուժի լիակատար ջախջախումը, հայտարարել է ՌԴ նախագահ Վլադիմիր Պուտինը Գլխավոր դատախազության ընդլայնված նիստում, գրում է Коммерсант-ը։
Նա հրամայել է բացահայտել և պատժել բոլոր նրանց, ովքեր հանցագործություն են կատարել խաղաղ բնակչության դեմ։
«Մեր զորքերը վերջերս իրականացրել են մի շարք արագ, բավականին համարձակ, արդյունավետ գործողություններ և ավարտում են Կուրսկի շրջանում հակառակորդի զորախմբի ջախջախումը»,- ասել է Պուտինը։
Նա հայտարարել է, որ «ռուսական օրենսդրության համաձայն՝ բոլոր ուկրաինացի զինվորականները և օտարերկրյա վարձկանները, որոնք գտնվել են Ռուսաստանի տարածքում և հանցագործություններ են կատարել խաղաղ բնակչության դեմ, դասվում են որպես ահաբեկիչներ»:
«Բոլոր այս հանցագործները, հանցավոր հրամաններ տվողները, խաղաղ քաղաքացիներին ծաղրողները պետք է բացահայտվեն և ապագայում պետք է արդար պատիժ ստանան»,- ասել է ՌԴ նախագահը։
