00:00:00

Քանդել են Ներքին Հանդի հուշարձանը․ «Հրապարակ»

08:50, 19 մարտ 2025 Մամուլ

«Հրապարակ» գրում է ․ Երեկ Սյունիքի մարզի Կապան խոշորացված համայնքի Ներքին Հանդ գյուղից տեղեկացանք, որ ադրբեջանցիները քանդել են Հայրենական պատերազմի զոհերի հուշարձանը: Այս մասին տեղեկացանք Ներքին Հանդի վարչական ղեկավար Խաչատուր Բաղդասարյանից. «Որ նայում ենք` գերեզմանոցը տեղում է` երեւում է, բայց իրենք շինություն են կառուցել՝ մնալու տեղ՝ կազարմա, էլի, անզեն աչքով տեսնում ես»: Այսինքն՝ հուշարձանի տեղում ադրբեջանական զինուժը զորանոց է կառուցել` ամրացել: Հիշեցնենք, որ Ներքին Հանդ գյուղի հին՝ Վերին Հանդ կոչվող տարածքը, որտեղ գյուղի գերեզմանոցն է, գյուղը սնող խմելու ջրի աղբյուրի ակունքը, եկեղեցին, Հայրենական պատերազմի զոհերին նվիրված հուշարձանը, 2022 թ. մարտի 14-ից գտնվում է թշնամու տնօրինության տակ:

Ադրբեջանցիներն այդ օրը հանգիստ անցել էին միջպետական սահմանը, եկել-հաստատվել գյուղի տարածքում: Կանաչեղեն հավաքելու բարձրացած Ներքին Հանդի գյուղացիներն իրենց գերեզմանոցի տարածքում անսպասելիորեն հայտնաբերել էին թշնամու 5 վրան ու ազատ ելումուտ անող ադրբեջանցի զինվորներ: Այդ օրվանից Ներքին Հանդը զրկվեց գերեզմանոց` իրենց հանգուցյալների շիրիմներին այցելելու, նոր մահացած հանգուցյալներին այնտեղ հուղարկավորելու հնարավորությունից, խմելու ջրի աղբյուրը հայտնվեց թշնամու հսկողության տակ, իսկ փաշինյանական իշխանությունը 3 տարի ոչինչ չի անում` մեր սուվերեն տարածքից թշնամուն դուրս վռնդելու համար:

Հոդվածն ամբողջությամբ կարող եք կարդալ «Հրապարակը» թերթի՝ 19․ 03․ 25 թ համարում։

Լրահոս

Արխիվ

Ապրիլ 2025
Երկ ԵրքՉոր Հնգ Ուրբ Շաբ Կիր
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30