Մոսկվայի «Լոկոմոտիվի» և Հայաստանի ֆուտբոլի ազգային հավաքականի պաշտպան Նաիր Թիկնիզյանը կարող է տեղափոխվել իսպանական «Ժիրոնա», գրում է armsport.am-ը՝ հղում անելով РБ Спорт-ին։
«Ժիրոնան» իսպանացի պաշտպան Միգել Գուտյերեսին փոխարինող ֆուտբոլիստի է փնտրում․ Գուտյերեսը, ամենայն հավանականությամբ, ամառային տրանսֆերային պատուհանի ժամանակ կհեռանա ակումբից և կվերադառնա Մադրիդի «Ռեալ» կամ կտեղափոխվի «Լիվերպուլ»։
«Ժիրոնա»-ի կողմից դիտարկվող թեկնածուներից մեկը հայ ֆուտբոլիստն է, ում ծառայություններով նախկինում հետաքրքրված էին ֆուտբոլի Իսպանիայի առաջնության այլ ակումբներ, այդ թվում՝ «Սևիլիան» և «Լեգանեսը»:
Այս մրցաշրջանում Թիկնիզյանը ակումբի կազմում անցկացրած 27 հանդիպումներում դարձել է 2 գոլի և 4 գոլային փոխանցման հեղինակ։
