«Իմ հզոր համայնք» կուսակցությունով Գյումրու քաղաքապետի թեկնածու առաջադրված Ռուբեն Մխիթարյանը նախընտրական տեսահոլովակում ներկայացրել է քաղաքի զբոսաշրջության զարգացմանն ուղղված իր տեսլականը։
«Գյումրին դառնալու է տուրիզմի իսկական կենտրոն, համայնքը կունենա ժամանակակից զբոսաշրջության համար անհրաժեշտ բոլոր ենթակառուցվածքները»,- նախընտրական հոլովակում նշում է Ռուբեն Մխիթարյանը։
Նշենք, որ կուսակցությունը քվեաթերթիկում 9-րդն է։ Կարգախոսն է՝ «Ես քո Գյումրին եմ»։
Հիշեցնենք, որ մարտի 30-ին Արմավիրի մարզի Փարաքար և Շիրակի մարզի Գյումրի համայնքներում տեղի կունենան ավագանու արտահերթ ընտրություններ։
