00:00:00

Անխտիր բոլոր տապալված պայքարների պատասխանատվությունը վերջում դրվում է մեզ՝ ժողովրդի վրա. Նարեկ Մալյանը՝ Բագրատ Սրբազանին

19:48, 15 մարտ 2025 Քաղաքականություն

Հարգելի Բագրատ Սրբազան, Ձեր այսօր հրապարակված տեսանյութից տպավորություն ստացա, որ նախապատրաստվում եք չարիքի իշխանության դեմ փողոցային պայքարի:
 
Ես քաղաքական գործիչ չեմ՝ սովորական ցուցարար եմ, մեկը այն հազարավորներից ով 7 տարի է մասնակից է պայքարի բոլոր հնարավոր եղանակներին:
 
Հետևաբար վերջին 7 տարիների պայքարի անարդյունավետության տեղ տեղ դառը փորձը հաշվի առնելով, կան որոշ հարցեր, որոնք կարիք ունեն նախապես հրապարակային բարձրաձայնման հատկապես այն պատճառով, որ անխտիր բոլոր տապալված պայքարների պատասխանատվությունը վերջում դրվում է մեզ՝ ժողովրդի վրա:
 
Հարցերը հետևյալն են՝
1. Ո՞ր եղանակով եք պատրաստվում իրականացնել իշխանափոխություն՝ հրաժարականի պահանջ, թե Իմպիչմենտ:
 
2. Եթե Իմպիչմենտ՝ կխնդրեինք մինչև փողոցային պայքարի կոչ անելը հրապարակել Իմպիչմենտի պատրաստ փաստաթուղթը առնվազն մեկ պատգամավորի ստորագրությամբ:
 
3. Ունե՞ք արդյոք փողոցային պայքարի քայլ առ քայլ ծրագիր՝ հրապարակ դուրս գալուց մինչև չարիքի իշխանության հեռացում, եթե այո ապա խոնարհաբար խնդրում եմ հրապարակել այդ ծրագիրը:
 
Հուսով եմ հարցերիս հանդգնության համար ներողամիտ կլինեք, բայց խնդրում եմ մեզ էլ հասկացեք: Նախորդ պայքարների խաբված փորձը ցույց է տվել , որ չի կարող լինել փողոց դուրս գալու որոշում առանց վերոգրյալ հարցերի նախապես հստակեցման:
Կանխավ շնորհակալ եմ:
 
Հ.Գ. Ցանկության դեպքում սիրով հրավիրում եմ մարտի 19-ին «կամեր 23» փաբ՝ որտեղ նախաձեռնել ենք նույն թեմայով քննարկում:
 
Գրող-հրապարակախոս Նարեկ Մալյան

Լրահոս

Արխիվ

Մարտ 2025
Երկ ԵրքՉոր Հնգ Ուրբ Շաբ Կիր
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31