ՆԳՆ-ից հայտնում են․
«Քրեական ոստիկանության Շիրակի մարզային վարչությունում ստացվել են օպերատիվ տեղեկություններ, որ Գյումրիի Օդանավակայանի 2-րդ թաղամասի մի բնակիչ տանը և կից կառույցներում ապօրինի պահում է թմրանյութ:
Ձեռնարկվել են միջոցառումներ, տեղեկությունը հաստատվել է: 64-ամյա տղամարդը հրավիրվել է վարչություն, խոստովանել թմրանյութ պահելու փաստը և պատրաստակամություն հայտնել այն ներկայացնել:
Շիրակի մարզային քննչական վարչությունում նախաձեռնվել է քրեական վարույթ: 64-ամյա տղամարդու տան զննության ընթացքում խորդանոցում և ավտոտնակում հայտնաբերվել է պոլիէթիլենի և թղթե 29 փաթեթ` 2 կգ 173 գրամ ընդհանուր քաշով, մարիխուանայի նմանվող զանգվածով։
Տանտերը հայտնել է, որ հայտնաբերվածը հենց մարիխուանա է, 3-4 տարի առաջ ինքն է պատրաստել վայրաճ կանեփի թփերից և պահել անձամբ օգտագործելու նպատակով:
Նախաքննությունը շարունակվում է»:
