Միգրացիոն քաղաքականության նոր հայեցակարգը պետք է ընդունվի որքան հնարավոր է շուտ՝ այս տարվա ընթացքում, հայտարարել է ՌԴ նախագահ Վլադիմիր Պուտինը, ով մասնակցել է ՆԳՆ կոլեգիայի նիստին։
«Պետք է ուսումնասիրենք թղթային միգրացիոն քարտից հրաժարվելու և այլ երկրներից Ռուսաստան եկող միգրանտների էլեկտրոնային գրանցմանն անցնելու հնարավորությունը»,- ասել է նա։
Պուտինը անհրաժեշտ է համարել նաև խստացնել անօրինական միգրացիայի դեմ պայքարը՝ հավելելով, որ այդ հարցի շուրջ առանձին քննարկում է անցկացրել ՆԳ նախարար Վլադիմիր Կոլոկոլցևի հետ։
«Տարբեր նորարարություններ պետք է տեղ գտնեն միգրացիոն քաղաքականության թարմացված հայեցակարգում, որը պետք է ընդունել այս տարվա ընթացքում՝ որքան հնարավոր է՝ շուտ»,- ասել է նա։
