ԱՄՆ նախագահ Դոնալդ Թրամփը երկուշաբթի օրը հայտարարել է, որ բանակցություններ է վարում Ռուսաստանի նախագահ Վլադիմիր Պուտինի հետ՝ Ուկրաինայում հակամարտության ավարտի և ԱՄՆ-ի ու Ռուսաստանի միջև խոշոր տնտեսական նախագծերի շուրջ:
«Ես լուրջ բանակցություններ եմ վարում Ռուսաստանի նախագահ Վլադիմիր Պուտինի հետ պատերազմի ավարտի, ինչպես նաև տնտեսական զարգացման խոշոր գործարքների վերաբերյալ, որոնք կկնքվեն Միացյալ Նահանգների և Ռուսաստանի միջև», - գրել Է Թրամփը իր Truth Social սոցցանցում:
Միևնույն ժամանակ, նա ընդգծել է, որ բանակցությունները «շատ լավ են ընթանում», և ևս մեկ անգամ կրկնել է այն թեզը, որ Ուկրաինայում առճակատումը երբեք չէր սկսվի, եթե ինքը մնար Սպիտակ տան ղեկավարը:
