«Արբատ» գումարտակի հիմնադիր Արմեն Սարգսյանի սպանության գործով Մոսկվայում Հայաստանի երկու քաղաքացի է բերման ենթարկվել, հայտնում է RT-ն։
Հաղորդվում է, որ բերման ենթարկվածներն են 44-ամյա Արման Պ․-ն և 61-ամյա Հրաչյա Պ․- ն են, նրանք ծնվել և մեծացել են Վաղարշապատում:
Երկու կասկածյալները երկար տարիներ զբաղվել են մարզական-պարահանդեսային պարերով Հայաստանում եւ Ռուսաստանում։ Նրանցից մեկը միջազգային կարգի պարող է, մյուսը վարսահարդար է Խիմկիում։
Հիշեցնենք՝ Մոսկվայի հյուսիս-արեւմուտքում գտնվող էլիտար բնակելի համալիրում փետրվարի 3-ի առավոտյան պայթյուն էր որոտացել։ Արդյունքում՝ վիրավորվել է հինգ մարդ, այդ թվում՝ մեկը Գորլովկայից, ԴԺՀ բռնցքամարտի ֆեդերացիայի ղեկավար եւ «Արբատ» գումարտակի ստեղծող Արմեն Սարգսյանը։ Ստացած վնասվածքներից տղամարդը մահացել է հիվանդանոցում։
