Ռուսաստանի հարաբերություններն արևմտյան երկրների հետ կկարգավորվեն, եթե Արևմուտքը ցանկանա, խոսքն իրենցն է, այսօր հայտարարել է ՌԴ ԱԳ նախարար Սերգեյ Լավրովը։
«Եթե որոշակի ժամանակի ընթացքում մեր արևմտյան գործընկերները խելքի գան և ցանկանան վերսկսել հարաբերությունները, մենք կդիտարկենք, թե ինչ պայմաններում է դա հնարավոր անել, բայց խոսքն իրենցն է, մենք այդ մասին հիմա չենք էլ մտածում, մենք զբաղված ենք մեր պետությունը հզորացնելով՝ ելնելով մեր ժողովրդի շահերից»,- ասել է նա։
Լավրովի խոսքով՝ «Ռուսաստանը չի պատրաստվում ոչ մեկի հետևից վազել՝ կապերը վերականգնելու համար, քանի որ ոչինչ չի արել, որ Արևմուտքի, Եվրոպայի հետ հարաբերությունները սառեցվեն, ինչ-որ տեղ՝ նույնիսկ քայքայվեն»։
