Բրիտանիայի ֆինանսական ծառայությունների և հակակոռուպցիոն պայքարի նախարար Թյուլիփ Սիդդիքը հրաժարական է ներկայացրել երեքշաբթի օրը՝ մի քանի շաբաթ տևած վեճերից հետո, որոնք կապված էին իր մորաքրոջ՝ անցյալ տարի Բանգլադեշի վարչապետի պաշտոնից հեռացված Շեյխ Հասինայի հետ ունեցած ֆինանսական կապերի հետ, հաղորդում է Reuters-ը։
Վարչապետ Քիր Սթարմերին ուղղված իր հրաժարականի դիմումում նա նշել է, որ նախարարական ստանդարտների անկախ խորհրդատու Լորի Մագնուսը հաստատել է, որ հարցի քննությունից հետո նա չի խախտել նախարարական կանոնները։
Սիդդիքին ուղղված նամակում Սթարմերը գրել է. «Ընդունելով ձեր հրաժարականը, ես նաև կցանկանայի հստակեցնել, որ սըր Լորի Մագնուսը՝ որպես անկախ խորհրդատու, հավաստիացրել է ինձ, որ չի հայտնաբերել Նախարարական օրենսգրքի որևէ խախտում և ձեր կողմից ֆինանսական խախտումների ապացույցներ»։
