Արարատ Միրզոյանը և Էնթոնի Բլինքենը ստորագրեցին ՀՀ և ԱՄՆ-ի միջև ռազմավարական գործընկերության մասին կանոնադրությունը։
«Հայաստան-ԱՄՆ հարաբերություններում ստեղծում ենք ռազմավարական գործընկերության հանձնաժողով, ինչը ենթադրում է ընդլայնել փոխգործակցությունը տնտեսական, անվտանգության և պաշտպանության, ժողովրդավարության, ներառականության և միջանձնային հարաբերությունների ոլորտներում:
Այս պահին բանակցությունները տանում ենք դեպի միջուկային անվտանգության և էներգետիկայի ոլորտ։
Հաջորդ շաբաթ ԱՄՆ-ից սահմանային անվտանգության հատուկ թիմ ենք ուղարկելու Հայաստան, որպեսզի համատեղ սահմանային անվտանգության աշխատանքներ իրականացվեն»,–հայտարարեց ԱՄՆ պետքարտուղար Էնթոնի Բլինքենը։
Նա նաև նշեց, որ իրենք աշխատում են Հայաստանի հետ նաև պաշտպանության և անվտանգության բնագավառում՝ աջակցելու ՀՀ ինքնիշխանությանն ու անկախությանը:
«Մենք միտված ենք ամրապնդել ՀՀ ինքնավարության պաշտպանությունն իր համապատասխան տարածքում»,-ասաց Բլինքենը:
Ի պաատասխան՝ Միրզոյանը նշել է. «Հայաստան-ԱՄՆ ռազմավարական գործընկերության կանոնադրությունը ձևավորում է ամուր հիմք և մեր համագործակցությունը դարձնում ավելի հավակնոտ։ Խորապես գնահատում ենք ԱՄՆ-ի հաստատուն աջակցությունը ՀՀ անկախությանը, ինքնիշխանությանը և տարածքային ամբողջականությանը»։
