Ռուսաստանի արտգործնախարար Սերգեյ Լավրովի՝ Ռուսաստանի օդային տարածքի մասին ենթադրյալ նամակն Ադրբեջանի ԱԳՆ ղեկավարին կոպիտ կեղծիք է, հայտնել է ՌԴ ԱԳՆ-ն՝ անդրադառնալով համացանցում տարածվող նամակին, տեղեկացնում է ՏԱՍՍ-ը:
«Նամակը, որում ասվում է, որ Ռուսաստանը չի կարող երաշխավորել իր օդային տարածքի անվտանգ օգտագործումը, ցինիկ և կոպիտ կեղծիք է։ Դա քաղաքական պատվեր է»,-ասված է գերատեսչության հրապարակման մեջ։
Ըստ ՌԴ ԱԳՆ-ի՝ դա պարզունակ կեղծիք է՝ նախատեսված էմոցիոնալ արձագանքի համար։
«Կեղծիքի հեղինակները չեն էլ նեղվել դրան պաշտոնական ատրիբուտներ տալ՝ ուղարկելով այն սովորական փոստային տիրույթից և սովորական էլեկտրոնային հասցեից»,-ասված է հրապարակման մեջ:
