Իրանի ազգային անվտանգության բարձրագույն խորհրդի քարտուղար Ալի Աքբար Ահմադիանը Երևանում իր հայ գործընկեր Արմեն Գրիգորյանի հետ հանդիպմանն ընդգծել է, որ իր երկիրը պատրաստ է նպաստել տարածաշրջանի երկրների միջև քաղաքական, անվտանգային և տնտեսական հարաբերությունների զարգացմանը: Այս մասին հայտնում է իրանական Mehr-ը։
Նշվում, է, որ հանդիպման ընթացքում Ահմադիանը հայտնել է Իրանի Իսլամական Հանրապետության պատրաստակամությունը՝ նպաստելու տարածաշրջանի երկրների միջը քաղաքական, անվտանգային և տնտեսական հարաբերությունների զարգացմանը։
Երկուստեք գոհունակություն է հայտնվել երկու երկրների միջև քաղաքական, անվտանգության և տնտեսական հարաբերությունների զարգացման միտումից։ Հանդիպման ընթացքում կողմերը մտքեր են փոխանակել տարածաշրջանային խնդիրների շուրջ և ընդգծել կովկասյան տարածաշրջանում խաղաղության և կայունության հաստատման անհրաժեշտությունը։
ՀՀ Անվտանգության խորհրդի քարտուղարն իր հերթին ողջունել է իրանցի գործընկերոջ այցը Հայաստան և ընդգծել բարձր մակարդակով փոխայցելությունների կարևորությունը՝ ելնելով տարբեր ոլորտներ ընդգրկող երկկողմ հարաբերությունների զարգացման անհրաժեշտությունից։ Արմեն Գրիգորյանն իր երկրի ցանկությունն է հայտնել․ ընդլայնել Հայաստանի ներկայությունն ու մասնակցությունը Հյուսիս-Հարավ միջազգային տրանսպորտային միջանցքին, ինչպես նաև օգտվել Չաբահար նավահանգստի ռազմավարական հնարավորություններից։
Բացի դրանից՝ երկու պաշտոնյաները գոհունակություն են հայտնել Հայաստանի և Իրանի միջև հարաբերությունների զարգացումից, քննարկել են նախկինում ձեռք բերված պայմանավորվածությունների իրականացման ընթացքը և նախանշել համագործակցության նոր ուղղություններ:
