Հայաստանի սպառազինումը կբերի միայն նոր լարվածության, հայտարարել է Ալիևը այսօր կայացած հարցազրույցի ժամանակ։
«Մենք դա չենք ուզում։ Մենք խաղաղություն ենք ուզում», - ասել է արհեստածին Ադրբեջանի բռնապետը տեղական հեռուստաալիքներին տված հարցազրույցում։
Բռնապետի խոսքով՝ Հայաստանը փաստացի սպառնալիքի աղբյուր է տարածաշրջանի համար, Ալիևն ընդգծել է, որ հայկական պետությունն ըստ էության ֆաշիստական է:
Ըստ նրա՝ գրեթե 30 տարի Հայաստանը ղեկավարել են ֆաշիստական գաղափարախոսության կրողները, երկիրը ձևավորել են իրենց նմանությամբ։
«Մեր երկիրը հարևան է ֆաշիստական պետությանը և ֆաշիզմի վտանգը չի վերացել։ Ուստի ֆաշիզմը պետք է ոչնչացվի։ Այն կոչնչացնի կամ Հայաստանի ղեկավարությունը, կամ մենք։ Այլ ելք մենք չունենք», - հայտարարել է բռնապետը։
