Ուկրաինական առնվազն հինգ անօդաչու թռչող սարք է հայտնաբերվել և խոցվել Վորոնեժում և արվարձաններում: Նախնական տվյալով՝ ոչ ոք չի տուժել, մի քանի բնակարաններում վնասվել են պատուհաններ՝ հայտնել է Վորոնեժի նահանգապետը: Նրա խոսքով՝ արտակարգ ծառայությունները Վորոնեժում տարհանել են մոտ 100 բնակչի այն վայրից, որտեղ հայտնաբերվել են խոցված ԱԹՍ-ների մասերը:

Ռուսաստանի պաշտպանության նախարարությունից էլ տեղեկացրել են, որ հակաօդային պաշտպանության ուժերը ուկրաինական տասը ԱԹՍ են ոչնչացրել Լենինգրադի, Պսկովի, Կուրսկի և Վորոնեժի մարզերի երկնքում:

Ուկրաինական ԶԼՄ-ներն էլ հայտնել են, որ ռուսական զինված ուժերը ավիառումբով հարվածել է բնակելի բարձրահարկ շենքի Սումիի մարզում: Փլուզվել է մուտքը։ Նախնական տվյալով՝ երկու երեխա և մեկ մեծահասակ վիրավորվել են, փլատակներում կարող են մարդիկ լինել։