Դանիական ոստիկանությունը շաբաթ հայտնել է, որ հետաքննելու է Կեգե նավահանգստում (Կոպենհագենից հարավ-արեւմուտք) 20 անօդաչուների հայտնվելու լուրը, տեղեկացրել է Associated Press-ը։
Տարածաշրջանային ոստիկանության հայտարարությունում նշվել է, որ երբ նրա աշխատակիցները ուրբաթ երեկոյան ժամանել են նավահանգիստ, նրանք կարողացել են տեսնել չորս մեծ անօդաչու Կեգեի զբոսանավերի նավահանգստում։
Ոստիկանությունը դեպքի վայր է կանչվել վկայի կողմից, որը պնդել է, որ տեսել է մոտ 20 անօդաչու, որոնք ավելի ուշ մեծ արագությամբ անհետացել են Կեգեի ծոցում։
«Ոստիկանությունը հայտնել է, որ փորձում է պարզել անօդաչուների եւ դրանց տերերի ընդհանուր քանակությունը, քանի որ դրանց հայտնվելու պահին այս շրջանում անօդաչուների թռիչքի թույլտվություն չի տրվել։ Ոստիկանությունը նաեւ կհետաքննի անօդաչուների հայտնաբերման այլ դեպքեր անվտանգության խնդիրների ֆոնին՝ կապված ռուսական հիբրիդային գրոհների, որոնք գրանցվել են որոշ եվրոպական երկրներում, եւ Ուկրաինայի դեմ Մոսկվայի լայնածավալ պատերազմի հետ»,- գրել է լրատվամիջոցը։
