Սիրիան շաբաթ օրը հայտնել է, որ երկրի գլխավոր օդանավակայանը Դամասկոսում կվերսկսի միջազգային չվերթները հաջորդ երեքշաբթի, հունվարի 7-ից։
«Մենք հայտարարում ենք, որ երեքշաբթի օրվանից կսկսենք ընդունել միջազգային թռիչքներ Դամասկոսի միջազգային օդանավակայանում, եւ հակառակը»,- հայտնել է SANA պետական լրատվական գործակալությունը՝ հղում կատարելով Քաղաքացիական ավիացիայի և օդային տրանսպորտի գլխավոր վարչության ղեկավար Աշհադ ալ-Սալիբիին։
«Մենք հավաստիացնում ենք արաբական եւ միջազգային ավիաընկերություններին, որ մեր գործընկերների օգնությամբ սկսել ենք Հալեպի եւ Դամասկոսի օդանավակայանների վերականգնման փուլը, որպեսզի նրանք կարողանան թռիչքներ ստանալ ամբողջ աշխարհից»,- ասել է նա։
Սիրիայում արդեն վայրէջք են կատարում միջազգային հումանիտար օգնության եւ օտարերկրյա դիվանագիտական պատվիրակությունների ինքնաթիռները։ Վերսկսվել են նաեւ ներքին թռիչքները, գրել է AFP-ն։
Հինգշաբթի Qatar Airways-ը հայտարարել է, որ գրեթե 13 տարվա ընդմիջումից հետո վերսկսում է թռիչքները Սիրիայի մայրաքաղաք՝ սկսած երեքշաբթի օրերից, շաբաթական երեք չվերթից։
