Երկրի վրա նկատվում է G3 մակարդակի ուժեղ մագնիսական փոթորիկ, գրում է ՏԱՍՍ-ը՝ հղում անելով ՌԴ Կիրառական երկրաֆիզիկայի ինստիտուտին։
Ներկայումս Երկրի մագնիսական դաշտի տատանման աստիճանը գտնվում է G3 մակարդակի վրա, ինչը 5-աստիճանական սանդղակով նշանակում է «ուժեղ», մինչդեռ G5-ը համարվում է «չափազանց ուժեղ», իսկ G1-ը՝ «թույլ»։
G3 մակարդակը նշանակում է, որ Երկրի վրա կարող են խնդիրներ առաջանալ էներգահամակարգերում, հավանական են արբանյակային և ցածր հաճախականության ռադիոնավիգացիայի, բարձր հաճախականության ռադիոկապի ընդհատումներ: Միջին լայնություններում տեսանելի կլինի հյուսիսափայլ:
